مرنے کے بعد فیس بُک سمیت ہمارے سوشل میڈیا اکاؤنٹس کا کیا ہوتا ہے اور اس ضمن میں وصیت کرنا ضروری کیوں ہے؟

کیا ہمیں اپنی ڈیجیٹل وصیت تیار رکھنی چاہیے؟

سربیا کی وزارت داخلہ میں ہائی ٹیک کرائم کے شعبے کے سابق سربراہ اور سائبر کرائم کے ماہر ساسا زیوانووچ کہتے ہیں کہ اگر ڈیٹا، تصاویر یا دیگر مواد غلط ہاتھوں میں چلے جائے تو مرنے والے صارفین کے فعال پروفائلز ایک مسئلہ بن سکتے ہیں۔

مرنے والے کے پورے اکاؤنٹ کا کنٹرول بھی حاصل کیا جا سکتا ہے۔

ان کا کہنا ہے کہ ’مرنے والے کی تصاویر، ڈیٹا اور ویڈیوز کا استعمال کرتے ہوئے فرضی نام سے جھوٹے اکاؤنٹ بنائے جا سکتے ہیں جن کی مدد سے مرنے والے کے جاننے والوں اور دوستوں سے فراڈ کے ذریعے پیسہ وصول کیا جا سکتا ہے۔‘

برطانیہ کی ڈیجیٹل لیگیسی ایسوسی ایشن کے بانی جیمز نورس نے اس بات پر زور دیا کہ ہر ایک کے لیے ضروری ہے کہ وہ سوشل نیٹ ورکس پر اپ لوڈ کیے جانے والے مواد کے بارے میں سوچے اور جب ممکن ہو تو بیک اپ بنائیں۔

وہ بتاتے ہیں کہ مثال کے طور پر فیس بک پر، آپ اپنی تصاویر اور ویڈیوز کا مکمل آرکائیو ڈاؤن لوڈ کر سکتے ہیں اور اسے اپنے قریبی رشتہ داروں کو منتقل کر سکتے ہیں۔

اُن کا کہنا ہے کہ ’اس لیے اگر مجھ میں کسی بیماری کی تشخیص ہوتی ہے اور میرا کوئی چھوٹا بچہ ہے جو فیس بک پر نہیں تو میں اپنی تمام تصاویر اور ویڈیوز ڈاؤن لوڈ کر سکتا ہوں، پیغامات ہٹا سکتا ہوں کیونکہ میں نہیں چاہتا کہ میرا بچہ میرے نجی پیغامات دیکھے۔‘

ان کا کہنا ہے کہ اس بات کا منصوبہ بندی کرنا ضروری ہے کہ آپ کی موت کی صورت میں آپ کے سوشل میڈیا اکاؤنٹس کا کیا ہونا چاہیے۔ وہ صارفین پر زور دیتے ہیں کہ وہ اپنی ’ڈیجیٹل اور سوشل میڈیا وصیت‘ تیار کریں جس سے پتہ چلے کہ ان کے مرنے کے بعد ان کے اکاؤنٹس کا کیا جائے۔

وہ کہتے ہیں کہ ’سوشل نیٹ ورکنگ ایک کاروبار ہے. یہ پلیٹ فارمز آپ کی ڈیجیٹل وراثت کے محافظ نہیں ہیں۔ آپ کی ڈیجیٹل وراثت کے محافظ آپ خود ہیں۔‘

لیکن اس کے باوجود ان کا خیال ہے کہ سوشل میڈیا پلیٹ فارم کسی مرحوم صارف کے سوگوار رشتہ داروں کے لیے اس عمل کو آسان بنا سکتے ہیں۔

وہ کہتے ہیں ’ہر پلیٹ فارم پر دستیاب خصوصیات اور ٹولز کے بارے میں آگاہی بڑھانا ضروری ہے۔اگرچہ وہ دستیاب ہوتے ہیں لیکن ہر کوئی نہیں جانتا کہ وہ موجود ہیں۔‘

لیکن ہیلی اور میتھیو کے لیے اس پر تبادلہ خیال کرنا آسان موضوع نہیں تھا۔

وہ کہتی ہیں کہ ’جب کینسر میں مبتلا میتھیو مرنے کے قریب تھے تو میں نے اس بارے میں اُن سے کوئی بات نہیں کی اور اس کی وجہ یہ تھی کہ میں اپنے شوہر سے مرنے سے متعلق کوئی بھی بات کرنا ہی نہیں چاہتی تھی۔‘

’مرنے سے کچھ عرصہ قبل وہ شدید بیمار ہو گئے اور اپنا آپ کھو بیٹھے، اس لیے وہ میرے سوالوں کا جواب دینے کے قابل بھی نہیں تھے۔‘

ان کی شادی کو صرف ایک سال ہوا تھا جب میتھیو کو جولائی 2016 میں 28 سال کی عمر میں سٹیج 4 گلوبلاسٹوما کینسر کی تشخیص ہوئی تھی۔

اس تشخیص کے بعد ڈاکٹر نے ہیلی سے کہا کہ ‘آپ کی زندگی ہمیشہ کے لیے بدلنے والی ہے۔‘

ڈاکٹر نے ہیلی کو بتایا کہ میتھیو کو برین ٹیومر ہے اور ان کی جان بچانے کے لیے انھیں فوری طور پر سرجری کی ضرورت ہے۔

اگرچہ سرجری اور اس کے بعد کیموتھراپی اچھی طرح سے ہوئی، لیکن کچھ وقت بعد ٹیومر واپس آ گیا اور انھیں بتایا گیا کہ میتھیو کے پاس زندہ رہنے کے لیے صرف ایک سال باقی ہے۔

ہیلی کہتی ہیں کہ ’ان کا نام ہر چیز پر تھا، ہمارے بلوں پر، تقریباً ہر چیز پر، جو کچھ میرے پاس تھا۔ اس لیے مجھے سب کچھ منتقل کرنا پڑا اور یہ بہت مشکل تھا۔ مجھے ان تمام چیزوں کا منتظم بننے میں تقریباً 18 ماہ کا وقت لگا۔‘

وہ کہتی ہیں کہ وہ اب بھی میتھیو کے فیس بک پیج کو یادگاری بنانا چاہتی ہیں لیکن وہ اس وقت ایسا کر نہیں پا رہیں۔

’میرے خیال میں اپنے کسی پیارے کے موت کے سرٹیفکیٹ جیسے دستاویز کو مسلسل دیکھنا واقعی تکلیف دہ ہے۔ یہی وجہ ہے کہ میں ایسا کرنے سے گریز کر رہی ہوں کیونکہ یہ صرف ایک خوفناک کاغذ کا ٹکڑا ہے۔‘

وہ کہتی ہیں کہ ’میرے خیال میں یہ واقعی ایک انتہائی پیچیدہ عمل ہے اور کمپنیوں کو سوگوار لوگوں کے لیے اسے آسان بنانا چاہیے۔‘

شکریہ :

• سرلن گریت اور گروئیسا اینڈرک
• عہدہ,بی بی سی ورلڈ سروس